16.12.1934-nji yÿlda İran Türkmensährasynyñ Kümüşdefe obasynda sövdagär bir türkmen maşgalada dünÿä gelÿär. Dört ÿaşyndaka dädesi (Söÿünjaly hajy) Kümüşdefeden Gonbed Gabusa göçÿär. ÿedi ÿaşan vagty ejesi (Keÿik) aradan çykan Kylyç, başlangyç mektebi bu şäherde ve orta mektebi-de paÿtagtyñ Mervi lisesinde gutarandan soñra, öz dogduk mekany bolan Kümüşdefede mugallym bolup işe başlaÿar (1955).
1957-nji yÿldan 1964-nji yÿla çenli Gonbed-Gabusda, 1964-nji yÿldan 1968-nji yÿla çenli-de Tähranda işleÿär. 1959-nji yÿlda Gürgen şäherinde Mugallymçylyk ÿokary Mektebini, 1963-nji yÿlda Kimÿa ve 1968-nji yÿlda Biÿoloji ÿokary Mekteplerini gayÿbana gutarÿar. 1968-nji yÿlyñ 23-nji Julyÿnda-da aÿaly, iki ogly ve bir gyzy bilen Türkiÿä göçüp gaÿdÿar.
Türkmen gyz-oglanlaryny Türkiÿä okuva ÿollamak ugrunda işe girişip, 1964-nji yÿlda 15 türkmen gyzyny Türkiÿä ugradan ve öz şol mukaddes işini soñraky yÿllarda-da dovam etdiren İran türkmenleriniñ Medeni Serdary, edermen adam Dr. Ahmed Garadaglynyñ ÿanynda bolup, onuñ hayÿrly işlerine öz goşandyny goşan Mehmet Kylyç, Türkiÿede türkmen gyz-oglanlarynyñ okuv işleri bilen gyzyklanyp özi-de Ankara Üniversitesiniñ Typ Fakültesiniñ synaglaryny gazanyp şol fakültede okuva başlaÿar. (1968)
Okuvynyñ iñ soñky synagyndan geçmegine 6 aÿ galanda, 1975-nji yÿlyñ 9-nji Julyÿnda İrana görme-görşe giden mahaly, elinden pasaporty alnyp, Pehleviniñ ÿaşryn polisi-SAVAK tarafyndan türkmen milletçiligini ÿaÿmak günäsi ÿö-kelip, soraga çekilip başlanÿar ve şol yÿlyñ 13-nji Septemberinde Tähranyñ Evin tussaghanasyna salynÿar.
1976-nji yÿlyñ 23-nji Ojtoberine çenli ol ÿerde saklanÿar ve dürli şekillerde gynalyp-azar berilenden soñra Tähranyñ meşhur Gasry Gajar türmesine äkidilÿär. Şondan soñra bir tutulyp bir çykarylyp gün baryny gören Mehmet Kylyja Türkiÿedäki öz maşgalasynyñ ÿanyna gaÿtmagyna hem rugsat edilmeÿär.
Ahyrso-y 1978-nji yÿlyñ 8-nji Septemberinde günbatar Azerbaÿjanyñ daglaryndan geçip Türkiÿä gelÿär ve okuvyna gaÿta başlap ony 1982-nji yÿlyñ 17-nji Februarynda gutaryp doktorlyk diplomyny alÿar. Şol yÿlyñ 25-nji Avgustynda Türkiÿäniñ Adalatlylyk vezirliginiñ, İstanbulda ÿerleşÿän Adli Typ Merkezinde asistan bolup akademik işe başlaÿar. 1985-nji yÿlyñ Avgustynda şol ylmy merkeziñ uzmanlyk synagyndan üstünlik bilen geçÿär ve şol yÿlyñ 12-nji Septemberinden tä 1995-nji yÿlyñ 1-nji Julyÿna çenli-de Almanÿada hususi bir firmada işleÿär.
Dr.Mehmet Kylyç şeÿle kynçylyklar bilen-de, öz gyzy ve ogullaryny okytmaklygy başarÿar. Olaryñ her biri, bir ugurda uzman doktor bolup häzir Türkiÿede işläp ÿörler.